Rambler's Top100
   

Неделя 3-я Великого поста


ГлавнаяТриодьНеделя 3-я Великого поста

ВечерняУтреняЛитургия

Неделя третья святых постов, поклонение празднуем честнаго и животворящаго Креста


На Литургии

изобразительная. Блаженна гласа, на 6: и от канона Креста песнь 3-я на 4.

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротции, яко тии наследят землю.

Помяни мя Боже Спасе мой, егда приидеши во Царствии Твоем, и спаси мя яко един Человеколюбец.

Блажени алчущии и жаждущии правды, яко тии насытятся.

Древом Адама прельстившагося, Древом крестным паки спасл еси и разбойника, вопиюща: помяни мя Господи во Царствии Твоем.

Блажени милостивии, яко тии помиловани будут.

Адова врата и вереи сокрушивый Жизнодавче, воскресил еси вся Спасе вопиющия: слава востанию Твоему.

Блажени чистии сердцем, яко тии Бога узрят.

Помяни мя, Иже смерть пленивый погребением Твоим, и Воскресением Твоим радости вся исполнивый, яко Благоутробен.

Блажени миротворцы, яко тии сынове Божии нарекутся.

Мироносицы ко гробу пришедша, ангела зовуща слышаху: Христос воскресе, просветивый всяческая.

Блажени изгнани правды ради, яко тех есть Царство Небесное.

На Древе крестнем пригвоздившагося, и мир от прелести избавльшаго, согласно вси Христа воспоим.

Блажени есте, егда поносят вам, и изженут, и рекут всяк зол глагол на вы лжуще Мене ради.

Приидите, песнь поим нову, разрушение адово торжествующе: из гроба бо Христос воскресе, смерть пленив, и спасе всяческая.

Радуйтеся и веселитеся, яко мзда ваша многа на небесех.

Приидите, почерпем вернии, не от источника источающаго воду тленную, но от источника просвещения, Креста Христова поклонением, о немже и хвалимся.

Слава: Единаго в трех Ипостасех Бога безначальнаго чту: нераздельнаго Существа зраком, Отца, Сына, и Духа Живаго, в Нихже крестихомся.

И ныне: В купине Моисей Твое образно таинство древле Чистая виде: якоже бо оныя пламень, огнь Божества Твою утробу не опали.

Вместо же Трисвятаго поем: Кресту Твоему покланяемся Владыко, и святое Воскресение Твое славим.

Прокимен Апостола, глас 6: Спаси Господи люди Твоя, и благослови достояние Твое. Стих: К Тебе Господи воззову, Боже мой, да не премолчиши от мене.

Апостол ко Евреем, зачало 311. [Евр. 4, 14 — 5, 6.]

Братие, имуще Архиереа велика, прошедшаго небеса, Иисуса Сына Божия, да держимся исповедания.

Братья, имея Первосвященника великого, прошедшего небеса, Иисуса Сына Божия, будем твердо держаться исповедания нашего.

Не имамы бо архиереа не могуща спострадати немощем нашим: но искушена по всячeским по подобию, разве греха.

Ибо мы имеем не такого первосвященника, который не может сострадать нам в немощах наших, но Который, подобно нам, искушен во всем, кроме греха.

Да приступаем убо с дерзновением к престолу благодати, яко да приимем милость, и благодать обрящем во благовременну помощь.

Посему да приступаем с дерзновением к престолу благодати, чтобы получить милость и обрести благодать для благовременной помощи.

Всяк бо первосвященник от человек приемлемь, за человеки поставляется на службы, яже к Богу, да приносит дары же и жeртвы о гресех.

Ибо всякий первосвященник, из человеков избираемый, для человеков поставляется на служение Богу, чтобы приносить дары и жертвы за грехи,

Спострадати могий невежствующим и заблуждающим: понеже и той немощию обложен eсть.

могущий снисходить невежествующим и заблуждающим, потому что и сам обложен немощью,

И сего ради должен eсть якоже о людех, такоже и о себе приносити за грехи.

и посему он должен как за народ, так и за себя приносить жертвы о грехах.

И никтоже сам о себе приемлет честь, но званный от Бога, якоже и Аарон:

И никто сам собою не приемлет этой чести, но призываемый Богом, как и Аарон.

тако и Христос, не Себе прослави быти первосщенника, но Глаголавый к Нему: Сын Мой eси Ты, Аз днесь родих Тя.

Так и Христос не Сам Себе присвоил славу быть первосвященником, но Тот, Кто сказал Ему: Ты Сын Мой, Я ныне родил Тебя;

Якоже и инде глаголет: Ты eси священник во век по чину Мелхиседекову.

как и в другом месте говорит: Ты священник вовек по чину Мелхиседека.

Аллилуиа, глас 1: Помяни сонм Твой, егоже стяжал еси исперва. Стих: Бог же Царь наш прежде века, содела спасение посреде земли.

Евангелие от Марка, зачало 37. [Мк. 8, 34 — 9, 1.]

Рече Господь: иже хощет по Мне ити, да отвержется себe, и возмет крест свой, и по Мне грядет.

Сказал Господь: кто хочет идти за Мною, отвергнись себя, и возьми крест свой, и следуй за Мною.

Иже бо аще хощет душу свою спасти, погубит ю: а иже погубит душу свою Менe ради и Eвангелиа, той спасет ю.

Ибо кто хочет душу свою сберечь, тот потеряет ее, а кто потеряет душу свою ради Меня и Евангелия, тот сбережет ее.

Кая бо польза человеку, аще приобрящет мир весь, и отщетит душу свою?

Ибо какая польза человеку, если он приобретет весь мир, а душе своей повредит?

Или что даст человек измену на души своей?

Или какой выкуп даст человек за душу свою?

Иже бо аще постыдится Менe, и Моих словес, в роде сем прелюбодейнем и грешнем, и Сын Человеческий постыдится eго, eгда приидет во славе Oтца Своего со ангелы святыми.

Ибо кто постыдится Меня и Моих слов в роде сем прелюбодейном и грешном, того постыдится и Сын Человеческий, когда приидет в славе Отца Своего со святыми ангелами.

И глаголаше им: аминь глаголю вам, яко суть нецыи от зде стоящих, иже не имут вкусити смерти, дондеже видят Царствие Божие пришедшее в силе.

И сказал им: истинно говорю вам: есть некоторые из стоящих здесь, которые не вкусят смерти, как уже увидят Царствие Божие, пришедшее в силе.

Причастный: Знаменася на нас свет лица Твоего Господи.

ВечерняУтреняЛитургия

    Rambler's Top100

Hosted by uCoz